THIRRJE!

Bashkia Mat, hap fazën e aplikimeve për programin e strehimit “Subvencionim i Qirasë”, për vitin 2023, për të gjitha familjet të cilat jetojnë me qira dhe kanë të ardhura të pamjaftueshme për të përballuar qiranë.

Në fazën e parë të aplikimeve, çdo qytetar i cili kërkon ti subvencionohet qiraja, duhet të paraqesë pranë Bashkisë Mat kërkesën, bashkëlidhur së cilës kërkohen dokumentat si më poshtë:

1. Fotokopje e kartës së identitetit;

2. Certifikatë familjare;

3. Vërtetim të ardhurash (vërtetim page/ pensioni/pagesë paaftësie/ vërtetim papunësie për secilin anëtar të familjes mbi 18 vjeç);

4. Vërtetim nga Agjencia Shtetërore e Kadastrës ASHK.

5. Vërtetim vendbanimi;

6. Pranë Sektorit të Ndihmës ekonomike, Paftësisë dhe Strehimit Social të plotësojë formularin e vetëdeklarimit.

Thirrja do të jetë e hapur nga data 01.12.2022 deri më datë 16.12.2022.

Aplikantët të cilët do të shpallen fitues nga Komisioni i Strehimit do të njoftohen që të depozitojnë pranë Bashkisë Mat kontratën e qirasë.

Përparësi në subvencionimin e qirasë por pa u kufizuar në to, kanë kategoritë e përcaktuara në ligjin 22/2018 “Për strehimin social” si më poshtë:

a) Individët me statusin e jetimit;

b) Personat me aftësi të kufizuar;

c) Të moshuarit;

d) Invalidët e punës;

e) Familjet e policëve të rënë në detyrë;

f) Emigrantët e rikthyer;

g) Punëtori emigrant;

h) Azilkërkuesit;

i) Familjet e komunitetit rom;

j) Familjet e komunitetit egjiptian;

k) Viktimat e dhunës në familje;

l) Viktimat e trafikimit / viktimat e mundshme të trafikimit;

m) Prindërit e vetëm, që kanë në ngarkim fëmijë;

Shënim: Lutemi për respektim të kritereve dhe afateve!