Në kuadër të Projektit “Inovacioni dhe Kultura për të fuqizuar Matin”- ICTe MAT , i cili financohet nga Bashkimi Evropian dhe zbatohet nga Bashkia Mat, grupi punës së projektit Inovacioni dhe Kultura për të fuqizuar Matin”- ICTe MAT’’ , vijoi sesionin informues në shkollën ‘’Abdyrrahman Përmeti’’ Lis.
Eksperti Arlind Haxhiaj trajtoi tema të ndryshme në mënyrë interaktive me nxënësit mbi ndikimin dhe rëndësine e teknologjisë tek të rinjtë. Gjithashtu sa të vlefshme janë njohuritë e informacioni mbi teknologjinë për profesionet e së ardhmes. dhe sesi të gjithë ne mund të punojmë nga cdo skaj i botës vetëm me një kompjuter.
Disa nga ta shprehën mjaft interes për të qenë pjesë e qendrës e cila do të krijohet dhe pjesë e programeve që do të zhvillohen. Ata patën mundësinë të informohen mbi rivitalizimin e pallatit të Kulturës, ku pasi u njohën më me detaje mbi qendrën e inovacionit që do të integrohet brenda pallatit të kulturës pas rikonstruksionit të godinës, nxënësit shprehën interesin e tyre mbi fusha të ndryshme të teknologjisë si: programimi, kodimi, robotika etj. dhe për të qënë pjesë e qendrës së inovacionit e cila do jetë risi tashmë për qytetin tonë ku të rinjtë do kenë një ambient jo vetëm për të zhvilluar aftësitë e tyre në teknologji por gjithashtu edhe për tu socializuar me njëri –tjetrin.
Rivitalizimi i Pallatit të Kulturës do të rigjallërojë jetën kulturore të zonës dhe do të sjellë qasje moderne dhe inovative në funksionin e saj të përditshëm.
