Me rastin e 100 vjetorit të krijimit të Bashkisë Burrel. Zhvilluam një sërë aktivitetesh në Mat.
Hapëm sezonin turistik në Mat, përmes një panairi kulturor dhe historik.
Një atmosferë ndryshe, na krijuan dhe “Valltarët e vegjël” të Bashkisë Mat dhe Klos.
Bashkia Mat, me rastin e 400 vjetorit të vdekjes së “Pjetër Budi” , i cili përkoi me 100 vjetorin e krijimit të Bashkisë Burrel, vendosi që biblioteka publike e Matit, merr emrin “Pjetër Budi”. Roli dhe kontributi i Pjetër Budit na nderon jo vetëm për qëndresën ndaj pushtuesit Osman, por mbi të gjitha për luftën që bëri për çështjen e gjuhës shqipe. Me rastin e 100-vjetorit të krijimit të Bashkisë Burrel, u zhvillua dhe një Konferencë Shkencore me pjesëmarrjen e mjaft akademikëve të njohur, kryetarë të bashkive, intelektualë etj. Konferencën shkencore e përshëndetën dhe kryetari i Akademisë së Shkencave Skënder Gjinushi dhe historiani e akademiku i njohur Neritan Ceka, të cilët evokuan historinë e Matit ndër shekuj.
Në_datat_5_6_dhe_7
Data 5 ora 18 : 00 – Festivali i Këngës për Fëmijë edicioni i parë dhe në orën 20 : 00 nisi Festa e Birrës me “Bojni Band”.
Data 6 – Festivali i Këngës Epike dhe Lirike, edicioni i IV me pjesmarrjen e grupeve: Drenas, Tetovë, Mallakastër, Krujë, Laç, Gjilan, Dibër, e më pas nis Festa Birrës e shoqëruar edhe me muzikë, nga “Aranit Hoxha Band”.
Data 7 – Festë Birre, me muzikë të ftuar këngëtarë nga Tetova , Gjilani si dhe Grupi legjendarë “FISNIKËT”. Në këto tre netë “Sheshi Kastriotët” ishte i mbushur. Bashkia Mat, falenderon banorët e Matit dhe miqtë e ftuar , që festuan me ne në këtë festë te madhe me rastin e 100 vjetorit të krijimit të Bashkisë Burrel.
