Ceremonia zyrtare e përkujtimit të kryengritjes mbarëpopullore matjane të vitit 1943, nisi me homazhe pranë lapidarit që i kushtohet kësaj date. Drejtues të pushtetit vendor, deputet, drejtues lokal të partive, veteran e pasardhës veteranësh, vendosën kurora me lule pranë lapidarit që i kushtohet kësaj ngjarjeje të shënuar. Më pas ceremonia u zhvendos në ambjentet e brendshme të muzeut Historik Mat. Fjalën e hapjes e mbajti Përgjegjësja e Muzeut Historik Mat, Suzana Kurti, e cila më pas ftoi të pranishmit të ndiqnin një video-montazh mbi historikun e plotë të kësaj ngjarjeje: Në këtë ceremoni në përkujtim të kryengritjes mbarëpopullore matjane të vitit 1943, folën edhe Kryetari i Bashkisë Mat, Nezir Rizvani, deputetja e Matit, Dhurata Çupi si dhe Nënkryetari i Organizatës së Veteranëve të LANC-it Mat, Sefer Duka. Të pranishmit më pas vizituan pavionet të cilat mbajnë historinë e kësaj dite si dhe ngjarjet që rrodhën më pas. Po ashtu, gjatë këtij aktiviteti u ekspozuan edhe disa monedha të vjetra e pulla të postës shqiptare nga koleksionisti privat, Ylli Gjoka.
2022 ndertuar nga Mirbonet Team