Dita e sotme 18 Maj është Dita Ndërkombëtare e Muzeve. Përcaktuar nga Këshilli Ndërkombëtar i Muzeve (ICOM) (internacionl council of museum) dhe UNESKO që nga viti 1977.
Ndaj sot në kuadër të kësaj dite në ambjentet e Muzeut Historik të rrethit Mat u organizua një aktivitet me shkollën “28 Nëntori” të qytetit Burrel.
Aktiviteti pati si qëllim njohjen e vlerave historike, arkeologjike, etno-kulturore që mbart ky muze, duke berë objekt ekspozimi përmes nje fotomontazhi edhe disa prej objekteve muzeale të rëndësisë së veçantë që i përkasin kulturave prehistorike, lirire dhe arbërore, objekte këto që janë të ekspozuara dhe në gjendje fondi në Muzeun Kombëtarë të Tiranës dhe Muzeun Arkeologjik Tiranë.
Aktiviteti pati natyrë sensilizuese dhe apeluese për të shtuar vëmëndjen dhe kujdesin ndaj vlerave të trashëgimisë tonë.
Interesante ishte edhe miniekspozita me monedha shqiptare të periudhave të ndryshme sidomos të periudhës Monarkisë Shqiptare, koleksion i ruajtur nga një banor i qytetit Burrel
Në përfundim nxënësit vizituan të gjithë ambjentet e ekspozitës, pikturat e dhuruara nga Edicioni i II-të i piktorëve, si dhe ekspozitën e re me fotografi “Mati turistik”.
