U zhvillua në Pallatin e Kulturës ” Shefqet Doda ” një takim rreth, Brain Bee Albania. Të pranishëm ishin Dr. Laura Loli (- Dano ). Zv. Kryetari i Bashkisë Mat, Z. Myslym Zeneli, Intelektual, Mësues, Prindër, Gjimnazistë etj.
Gjatë këtij takimi u diskutua se çfarë është International Brain Bee & Brain Bee ALBANIA?
International Brain Bee (IBB) apo Lëvizja Ndërkombëtare Brain Bee, është një Olimpiadë në fushën e Neuroshkencës që zhvillohet në Rang Botëror, ndërmjet finalistëve të Shkollave të Mesme, të vendeve të ndryshme, të apasionur pas lendëve si: Biologjia dhe te tjera që ndërrthuren me të.
Brain Bee ALBANIA do të zhvillohet për herë të parë në Maj 2023 në Tiranë, dhe finalisti/finalistja do të përfaqësojë Shqipërinë në rang botëror në Gusht 2023.
Kjo Olimpiadë i ka fillesat që në vitin 1998 falë punës themeluese të Dr. Norbert Myslinski në Maryland të Shteteve të Bashkuara të Amerikës.
Misioni i Brain Bee ALBANIA
Qellimi primar i Brain Bee ALBANIA eshte motivimi i nxënësve në Shkollat e Mesme për të mësuar lidhur me:
? Strukturen dhe funksionimin e Trurit dhe të Sistemit Nervor
? Për të ndjekur karriera në Neuroshkencë
? Zbulimin e mënyrave të reja shkencore në trajtimin e sëmundjeve të Trurit dhe të Sistemit Nervor
? Krijimin e një Shoqërie sa më Humane.
Zhvillimi i Olimpiadave
Olimpiadat kryhen në nivel Kombëtar dhe me pas në nivel Ndërkombëtar. Olimpiada në rang Kombëtar do të zhvillohet në Maj 2023, në Tiranë.
Kjo Olimpiadë zhvillohet falas për të gjithë pjesëmarrësit në rang Kombëtar dhe Ndërkombëtar. Detaje të tjera do t’ju konfirmohen pjesëmarrësve në një të ardhme të afërt.
Fituesi në nivel Kombëtar merr pjesë në Olimpiadën Botërore, e cila zhvillohet në vende të ndryshme të botës çdo vit.
Përqafimi i kësaj Olimpiade në shkallë sa më te gjerë në rang Kombëtar dhe Ndërkombëtar, nga cilido që tërhiqet nga Neuroshkenca dhe sferat ndërthurrëse të saj janë gurë themeli në zhvillimin me sukses të kesaj Olimpiade.
